"UzAssets Investitsiya Kompaniyasi" AJ O'zbekiston Respublikasi Vazirlar Mahkamasining 2020-yil 15-iyundagi 381-sonli Qaroriga muvofiq tashkil etilgan. Kompaniya tasarrufiga o'tkazilgan va keyinchalik o'tkaziladigan davlat ulushi mavjud bo'lgan korxonalarning davlat aksiyalari Vazirlar Mahkamasining Qarorlari asosida kompaniya ixtiyoriga o'tkaziladi.

UzAssets kompaniyasining asosiy maqsadi - davlat ulushi mavjud bo'lgan korxonalarni sotish jarayoniga tayyorgarlik ishlarini tashkil etish hamda  xalqaro standartlarga asosan yirik davlat korxonalarini sotish bo'yicha investorlar bilan muzokaralar olib borish. Kompaniyaning yagona aksiyadori - Davlat aktivlarini boshqarish agentligi hisoblanib, davlat ulushi mavjud bo'lgan yirik korxonalarni sotish va ularni birlashtirish yuzasidan xalqaro tajribani o'rganish, amalda qo'llash va tajribalarni yig'ish bo'yicha Agentlikka platforma bo'lib xizmat qiladi.  

Bizning yuqori salohiyatli kadrlarimiz doimiy ravishda xalqaro va mahalliy moliyaviy vositachilar, investitsiya fondlari va banklar, auditorlik firmalari va kapital bozori ishtirokchilari bilan mustahkam, ishonchli va bardavom aloqalar o'rnatishga intiladi.

UzAssets ochiqlik, professionallik, yuqori javobgarlik, tezkorlik, bozor tamoyillariga yo'naltirilganlik va zamonaviy korporativ boshqaruv tamoyillariga asoslangan holda o'z faoliyatini olib boradi.

UzAssets - O'zbekistondagi aktivlarni boshqarish bo'yicha eng yirik kompaniyalardan biri, davlat korxonalarini raqobatbardosh, samarali, barqaror va shaffof kompaniyalarga aylantirish, shuningdek, eng ilg'or korporativ dasturlarni hamda boshqaruv usullari va xalqaro moliyaviy hisobot mexanizmlarini amalga oshirishda maxsus bilim va tajribaga ega.

Kompaniya ish uslublari shaffoflikni, professionallikni, aktivlarni samarali boshqarish, moliyaviy modellashtirish, xususiy kapital va to'g'ridan to'g'ri investitsiyalarni jalb qilish, muvaffaqiyatli va o'zaro manfaatli bitimlarni tuzish va ijrosini amalga oshirishdan iborat. Vaqt o'tishi bilan kompaniya aktivlarni boshqarish va portfeldagi korxonalarni xususiylashtirish bo'yicha mintaqaviy eng yirik ishtirokchilaridan biriga aylanmoqchi.

Portfelimizdagi kompaniyalar xalqaro moliyaviy hisobot standartlariga to'liq integratsiyalashtirishni, kuzatuv kengashlarida va ijro etuvchi boshqaruvda xalqaro tajribaga ega mustaqil a'zolarga ega bo'lishni va o'z faoliyati to'g'risida jamoatchilik ma'lumotlarini e'lon qilishda investorlar bilan to'liq hamkorlik qilishni maqsad qilishadi.