26 mart 2026 yilda «UzAssets» AJ da Juliette d’Aboville, davlat korxonalari faoliyatida ekologik barqaror boshqaruv prinsiplari bo‘yicha ekspert, ishtirokida uchrashuv o‘tkazildi.

Uchrashuv Yevropa Ittifoqining qo‘llab-quvvatlashi bilan Expertise France tomonidan tashkil qilingan rasmiy missiya doirasida, AFD bilan hamkorlikda amalga oshirilayotgan yashil iqtisodiyot sohasida texnik yordam dasturi doirasida bo‘lib o‘tdi.

Uchrashuvda davlat korxonalari faoliyatida ESG prinsiplari joriy etish bo‘yicha hozirgi natijalar va keyingi qadamlar muhokama qilindi.

Asosiy e’tibor ESG hisobotlarini tayyorlash va ochiqlash, ESG reyting tizimini rivojlantirish, shuningdek, davlat kompaniyalari portfelining shaffofligi va investitsion jozibadorligini oshirish masalalariga qaratildi.

Shu bilan birga, ESG hisobotlari amaliyotini kengaytirish bo‘yicha faol ishlar olib borilayotgani qayd etildi: 2024 yil yakuni bo‘yicha e’lon qilingan hisobotlar soni boshlang‘ich miqdordan oshdi va ESG reytinglari olingan kompaniyalar sonini ko‘paytirish ishlari davom etmoqda.