Participation of «UzAssets» JSC Representative at the Regional Ecological Summit
Mintaqaviy ekologik sammitda “UzAssets” AJ vakilining ishtiroki
2026-yil 22-aprel kuni Qozog‘istonning Ostona shahrida iqlim o‘zgarishi, ekologik barqarorlik va mintaqada “yashil” kun tartibini rivojlantirish masalalariga bag‘ishlangan Mintaqaviy ekologik sammitning ochilish marosimi bo‘lib o‘tdi.
Tadbirda O‘zbekiston Respublikasi Prezidenti Shavkat Mirziyoyev ishtirok etib, Sammit doirasida taqdim etilgan O‘zbekiston stendi bilan tanishdi. Ekspozitsiyada atrof-muhitni muhofaza qilish, “yashil” energetikani rivojlantirish va barqaror rivojlanishga qaratilgan milliy tashabbuslar namoyish etildi.
O‘zbekiston stendida O‘zbekiston Respublikasi Iqtisodiyot va moliya vazirligi bilan hamkorlikda “UzAssets” AJ bosh konsultanti Darya Soboleva ishtirok etdi.
U o‘z taqdimotida davlat ishtirokidagi yirik korxonalarda ESG-transformatsiyani amalga oshirish, ekologik va ijtimoiy tashabbuslarni ilgari surish, shuningdek “yashil” loyihalar doirasida investitsiya salohiyatini rivojlantirish yo‘nalishlarini taqdim etdi.
Sammitda davlat rahbarlari, xalqaro va mintaqaviy tashkilotlar vakillari hamda turli mamlakatlar delegatsiyalari ishtirok etdi. Tadbir doirasida iqlim o‘zgarishi, tabiiy resurslardan oqilona foydalanish, yer degradatsiyasi oqibatlarini kamaytirish va ekologik xavfsizlik hamda barqaror rivojlanish sohasida xalqaro hamkorlikni mustahkamlash masalalari muhokama qilindi.