20-fevral kuni O‘zbekistonda yirik davlat korxonalarini transformatsiya qilish, xususan, moliya va ichki audit xizmatlari funksiyalariga bag‘ishlangan seminar bo‘lib o‘tdi.

Tadbirda Iqtisodiyot va Moliya vazirligi, “UzAssets” AJ, professional jamoat tashkilotlari vakillari, shuningdek, “Katta to‘rtlik” kompaniyalari (PwC, Deloitte, EY va KPMG) xodimlari ishtirok etdi.

Ekspertlar xalqaro moliyaviy hisobot va ichki audit standartlarini joriy etish bo‘yicha o‘z tajribalari bilan almashishdi. Seminar ishtirokchilari transformatsiya jarayonida davlat korxonalarida ucharydigan muammolarni va imkoniyatlarni ham muhokama qildilar.

Seminar ishtirokchilar o‘rtasida tajriba va bilim almashish uchun imkoniyat yaratib berdi. Shuningdek, O‘zbekiston hukumati davlat korxonalarini isloh qilish va ularning jahon bozorida raqobatbardoshligini oshirishga intilayotganini ko‘rsatdi.

Seminar doirasida belgilangan keyingi qadamlar.

1. 2024 yil davomida 20 ta korxonada moliyaviy hisobotlarni MHXS asosida amalga oshirilishini ta'minlash.
2. 2025 yil yakuniga qadar barcha korxonalarda moliyaviy hisobotlarni MHXS asosida yuritilishini ta'minlash.
3. 6 ta davlat korxonalari tomonidan birinchi marotaba xalqaro kredit reytingini olinishini ta'minlash.
4. Ichki audit xizmati faoliyatining normativ-huquqiy va korporativ hujjatlar bazasini takomillashtirish bo‘yicha takliflar ishlab chiqish.
5. Yirik davlat korxonalari ichki audit xizmatlariga malakali mutaxassislarni jalb qilish va mavjud xodimlarni ichki auditning professional amaliyotining xalqaro standartlari (IAA) asosida o‘qitishni tashkil qilish.