2025-yil 8-sentabr kuni “UzAssets” AJda xalqaro Citi banki vakillari bilan uchrashuv bo‘lib o‘tdi.

Uchrashuvning asosiy mavzulari eksport va korporativ moliyalashtirishni rivojlantirish, investitsion loyihalarni qo‘llab-quvvatlash hamda davlat kompaniyalarini xalqaro fond bozorlariga chiqishga tayyorlash masalalari bo‘ldi.

Uchrashuvda quyidagilar ishtirok etdi: Fabian Shtefan – Eksport va agentlik moliyalashtirish direktori, Abbos Jo‘raboyev – Vitse-prezident, Citi bankning O‘zbekistondagi ofisi rahbari, Shahap Jan Onay – Vitse-prezident o‘rinbosari, HMC Markaziy Osiyo va Kavkaz bo‘yicha, korporativ bank ishi.

Uchrashuv davomida tomonlar Citi va “UzAssets” AJ o‘rtasida eksport-kredit agentliklari (ECA) ishtirokida infratuzilma va sanoat loyihalarini moliyalashtirishda strategik hamkorlikning hozirgi holati va istiqbollarini muhokama qilishdi. Shuningdek, zamonaviy moliyaviy vositalarni rivojlantirish va korporativ boshqaruvning shaffofligini oshirish masalalari ko‘rib chiqildi.